|
|
马上注册登陆，结交更多好友，享用更多功能，让你轻松玩转社区
您需要 登录 才可以下载或查看，没有账号？用户注册
x
中意饮茶嘅广州人，你哋平时中意去边饮茶呢？有边几样点心系去到一间新茶楼都必点嘅呢？
1. 唐苑酒家（流花湖总店）
理由：位于流花湖内，环境优美，装修也高大上，点心出品也很好，性价比很高，周末家庭聚会首选：一家大细周末饮完茶行下公园，好健康！收到风，明年9月就会……
人均：40 （消费满100送20券，预存4000送800）
推荐点心：叉烧酥、马拉糕、梳芙厘、火山石烧系列……
地址：越秀区流花湖（开车去的话，入口在流花路，陆军医院对面
2. 炳胜公馆
理由：珠江新城饮早茶性价比最高嘅地方，没有之一。环境装修好，认住“炳胜”
哩个唛，点心出品自己唔使多讲。
人均：40，正常消费全单8折，有会员卡的话可以7折（预存1000就有会员卡，7折后真系非常抵）
推荐点心：虾饺、山泉水肠粉、咸煎饼、菠萝包……
地址：珠江新城冼村路2号首府大厦5楼(省博物馆对面)
3. 中酒大酒店·食街
理由：广州老牌五星级酒店，岭南环境feel，部长同服务员清一色系阿姨，中意用广州话"嗒嗲"，出品多年嚟都系咁好。不得不提呢度嘅云吞面，上过《舌尖上的中国》。
人均：65
推荐点心：蛋挞、叉烧包、烧卖、云吞面……
地址：越秀区流花路122号中国大酒店1楼
4. 和苑酒家（粤财店）
理由：附近都系广州“大粒佬”上班嘅地方，呢度犹豫佢哋嘅饭堂，所以出品自然好。哩度嘅服务就更加出名，服务员有礼勤快、问洗手间位置——陪你去、埋单去停车场攞车——陪你落到停车场、有老人家嚟——主动搀扶老人行走…… 总之服务好到你会觉得唔好意思，唔系“海底捞”果种伪服务。推荐10个人去，9个都赞而且有回头。
人均：50
推荐点心：七味瑶柱丝网肠、虾饺、萝卜糕、鲍鱼干蒸……
地址：越秀区东风中路481号粤财大厦3-4楼
5. 采悦轩（粤海喜来登酒店）
理由：天河城附近可以饮茶嘅地方话多唔多话少又唔少，但好食嘅冇边几间，仲去稻*，**酒家果D？不如试试天河城哩间五星级酒店嘅中餐厅早茶出品喇，饮完早茶就可以落去逛街……
人均：60（天河城会员卡可以打9折，喜达屋SPG卡有85折+积分，积分积得多仲可以免费换喜来登住房）
推荐点心：虾饺、红米肠、叉烧包……
地址：天河城粤海喜来登酒店3楼
6. 悦湖公馆
理由：环境靓，望住南湖嘅靓景，有室内室外位，酒楼新开一年，叫的“公馆”所以装修都几靓，估唔到“大河马”附近都有呢种地方……除咗服务员动作比较慢之外其它都唔错
人均：45
推荐点心：芝士南瓜糕、脆皮肉松包……（哩间茶楼我都系最近先知，去过一次，总体感觉ok）
地址：白云区同和南湖中路3号的南湖宾馆中餐厅（见到大河马水上世界嘅大河马像之后左转直入）
7. 花园酒店·荔湾亭
理由：同属中国大酒店食街果类，老牌五星酒店内的餐厅。岭南feel。带屋企老人家嚟饮茶、带外地朋友感受广州早茶文化都非常合适。（里面设有“艇仔”位，好睇唔好坐，建议唔好贪过瘾）。
人均：75 （亦可以试试楼上三楼嘅“桃园厅”，出品大致相同，环境风格唔同，价钱略高DD）
推荐点心：糯米鸡、叉烧酥、艇仔粥、枣皇糕……
地址：环市东路花园酒店2楼
8. 美心阁
理由：美心集团旗下，同太古汇“翠园”系姐妹店。香港师傅做总厨，出品几好，茶市经常要等位。雀笼点心、101拿破仑呢两款点心更是广州各大新餐厅嘅模仿对象。
人均：70
推荐点心：拿破仑、菠萝包、鲍鱼荷叶饭……（至于雀笼点心，唔推荐，因为一座架里面有一半都系唔好食的）
地址：天河东路75号3层（即太古汇北门对面，中国银行楼上） |
|
|客服:0668-2886677QQ:75281068|大茂微博|小黑屋|手机版|Archiver|大茂名网
( 粤ICP备18149867号 )茂名市大茂科技有限公司 版权所有 
发表于 2014-8-2 06:42
